21.02.2017
Категории: Объявления
“БИЛИМ-2017” үөрэнээччилэр, устудьуоннар, маҕыстырааннар, аспырааннар, эдэр учуонайдар өрөспүүбүлүкэтээҕи билим кэмпириэнсийэлэригэр көхтөөх кыттыыны ыларгытыгар ыҥырабыт.
Буолар күнэ: 2017 сыл кулун тутар 25 күнэ.
Буолар сирэ: Дьокуускай куорат, ХИБҮ, Кулаковскай аат. уул., 42, Арассыыйа Бэдэрээссийэтин Хотугулуу-Илиҥҥи норуоттарын тылларын уонна култуураларын үнүстүүтэ.
Чинчийии хайысхалара:
- Ийэ тылы үөрэтии тирээн турар кыһалҕалара: лиэксикэ, бэниэтикэ, морполуогуйа, сиинтэксис.
- Хотугу норуоттар тылларын, литэрэтиирэлэрин уонна болкулуордарын чинчийии.
- Хотугу норуоттар култууралара: төрүт үгэс уонна аныгы кэм.
- Тылбаас эйгэтигэр саха тылын туттуллуута.
- Дойду сайдыытыгар уопсастыбаннай билим суолтата.
- Саха Өрөспүүбүлүкэтигэр туризм уонна сиэрбис сайдыытын кэскилэ.
- Биисикэ-тиэхиньикэ билимин ситиһиитэ өрөспүүбүлүкэ сайдыытыгар суолтата.
- Мэдиссиинэ-биология билимин кыһалҕата уонна кэскилэ.
- Үөрэх тиһигэр сахалыы үөрэтии ньымаларын туттуу туруга уонна кэскилэ.
- Ийэ тыл аныгы олоҕу кытта быһаччы ситимэ: Интэриниэт, көмпүүтэр уонна суотабай сибээс эйгэтэ, киинэ уо.д.а.
- “Мин сахалыы билэбин” саха тылын саҥа үөрэтээччилэргэ күрэхтэһии.
Кыттыы көрүҥэ: истэн уонна кэтэхтэн.
Кыттааччылар сайаапкаҕытын уонна чинчийиигит тиэкиһин кулун тутар 20 күнүгэр диэри bilim2017conf@mail.ru аадырыска ыытаргытыгар көрдөһөбүт. Эбии иһитиннэриини https://s-vfu.ru саайтан билиэххитин сөп.
Ыйытыылаах буоллаххытына, bilim2017conf@mail.ru сурук ыытыҥ эбэтэр Рахлеева Валентина Леонардовнаны (89679265158), Собакина Ирина Владимировнаны (89246628908) кытта ситимнэһиэххитин сөп (WhatsApp тиһик үлэлиир).
Поделиться в соц. сетях этой новостью
