18.05.2025
Категории: Новости Объявления Видео Наука Педагогам
17 мая 2025 года ректор МАН РС (Я) Василий Павлов и проректор Галина Семенова приняли участие на торжественном чествовании народного учителя России Виктора Филипповича Потапова, приуроченное к его 75-летию. Глава Республики Саха Айсен Николаев лично поздравил выдающегося педагога и вручил ему знак отличия «Гражданская доблесть» за особые заслуги в области образования и воспитания подрастающего поколения, а также за значительный вклад в социально-экономическое развитие республики. Василий Климович Павлов поздравил юбиляра и вручил приветственный адрес и памятные подарки от Малой Академии наук РС (Я).
Текст поздравления от Малой Академии наук РС (Я):
Ытыктабыллаах Виктор Филиппович!
Саха Сирин Билим дьоҕус академиятын коллективын аатыттан 75 сааскын туолар үөрүүлээх үбүлүөйгүнэн итиитик-истиҥник эҕэрдэлиибит!
Улэлиирин тухары физика курдук уустук салааны Саха сирин учууталларыгар иилээн-саҕалаан, салайан-тэрийэн, ураты дьоҕурдаах оҕолору булан-талан, сүүмэрдээн, бэлэмнээн-дьарыктаан, үөрэтэн-такайан, иитэн-сааһылаан кэллин. Өлүөнэ сирэ физмат форум 1999 сылга тэриллиэ5иттэн бүтүн Россия, Аан Дойду таһымыгар киэҥник биллэр, наукаҕа дириҥ суоллаах-иистээх учууталлары уонна учуонайдары ыҥыран, Саха Сирин физикаҕа учууталларын уонна оччотооҕу Саха судаарыстыбаннай университетын бастыҥ физика преподавателлэрин үлэҕэ кытыннаран, ураты дьоҕурдаах оҕолорбутугар сөптөөх, аналлаах уонна тустаах үөрэх программатын, саҥа методиканы коллегаларгын кытары оҥорон, бу ааспыт 25 сыл тухары таһымы түһэрбэккэ, тыһыынчанан Саха Сирин оҕотун физикаҕа дириҥ билиилэнэн, кыһаллан туран үөрэнэргэ, үлэлииргэ киэҥ аартыктары тэлэн, суолларын ыйан биэрдин. Бу боччумнаах үлэҕит түмүктэнэ илик.
Үйэ аҥаара анараа өттүгэр бар дьоммор туһалыам, Саха Сирин сайдыытыгар көмөлөһүөм диэн талбыт учуутал ыллыгар үктэннэрбит, ыраахха сирдиир киэҥ аартыккыт сылын аайы ыытыллар дойдулар икки ардыларынааҕы Туймаада олимпиадата, Азиятааҕы физикаҕа олимпиада, Аан Дойдутааҕы өркөн өй күрэҕэ курдук улахан тэрээһиннэри тэҥэ, аата-ахсаана биллибэт семинардар, ааптарскай куурустар, олимпиадалар, күрэхтэр уо д.а. түбүккүт салҕанан бара турар.
Эн иитэр-үөрэтэр оҕолоргун саҥаттан саҥа чыпчааллар, дабайыылар, ситиһиилэр күүтэллэр. Бу боччумнаах үлэҕин Билим дьоҕус академиятын кытары уллэстэн ыытаргынан биһиги киэн туттабыт, ханна да буоллар холобур оҥостон, эн үтүө ааккын махтана, сүгүрүйэ ааттыыбыт. Билигин Билим дьоҕус академията саҥа таһымҥа тахсан космос, ядернай физика, саҥа технологиялар эйгэлэригэр киирэн дойдулар икки ардыларынааҕы сүүрээҥҥэ кыттар кэмигэр эн түбүктээх үлэҥ ураты дириҥ суолталанна уонна Дойду салалтата, Республика Ил Дархана туруорбут соруктарын толорорго хаһааҥҥытааҕар да бэлэм уонна көдьүүстээх.
Ытыктабыллаах Виктор Филиппович!
Тус бэйэҕэр, чугас дьоҥҥор, үөрэнээччилэргэр кытаанах доруобуйаны, дьолу-соргуну, саҥаттан саҥа ситиһиилэри баҕарабыт! Үйэ-саас тухары дириҥ ытыктабыл ылан, махталга мааныланан, сүгүрүйүүгэ сууланан өссө да бар дьоҥҥун үөрдэ тур!
Саха сирин билим дьоҕус академиятын ректора В. Павлов
Поделиться в соц. сетях этой новостью
