18.03.2021
Категории: Новости Объявления
Убаастабыллаах үөрэнээччилэр, устудьуоннар, маҕыстырааннар, аспырааннар, эдэр учуонайдар уонна идэлээхтэр! “БИЛИМ-2021” үөрэнээччилэр, устудьуоннар, маҕыстырааннар, аспырааннар эдэр учуонайдар уонна идэлээхтэр өрөспүүбүлүкэтээҕи билим кэмпириэнсийэлэригэр көхтөөх кыттыыны ыларгытыгар ыҥырабыт.
Буолар күнэ, кэмэ: 2021 сыл кулун тутар 27 күнэ, 10 ч.00 м.
Кэмпириэнсийэ ZOOM халыыпка ыытыллар
Кэмпириэнсийэ сыала-соруга:
- Эдэр ыччаты билим эйгэтигэр угуйуу;
- Үөрэнээччилэргэ, устудьуоннарга, маҕыстырааннарга, аспырааннарга, эдэр учуонайдарга чинчийэр үлэ үөрүйэҕин иҥэрии;
- Ийэ тыл билим эйгэтигэр туттуллуутун кэҥэтии;
- Кэнчээри ыччаты ийэ тылын харыстыырга, таптыырга угуйуу.
Чинчийии хайысхалара:
- Билиҥҥи саха тылын чинчийии.
- Сибиир уонна Уһук Илиҥҥи норуттар болкулуордара: чинчийии, харайыы уонна тарҕатыы.
- Саха литературатын сүрүн боппуруостара.
- Кэм-литература-төрүт үгэс.
- Култуура уонна искуустуба кэрэ эйгэтэ.
- Эрэгийиэн култуурата: туруга, инники кэскилэ.
- Эдэр ыччаты кытта үлэни тэрийии
- Хотугу олохтоох аҕыйах ахсааннаах норуоттар тыллара уонна литэрэтиирэлэрэ.
- Тылбаас эйгэтигэр саха тылын туттуллуута.
- Сиэрбис уонна өҥө эйгэтэ: устуоруйата уонна сайдар кэскилэ.
- Билим ситиһиитэ ийэ тылбынан.
- Саха тылын, литэрэтиирэтин оскуолаҕа үөрэтии кыһалҕалара, суолу тобулуу ньымалара.
- Аан дойду уус-уран култууратын үөрэтии түөрүйэтэ уонна мэтиэдикэтэ.
- Саха Өрөспүүбүлүкэтин култуурунай-имиджевэй ис кыаҕа.
- Гуманитарнай билим сайдар кэскилэ (аспырааннар уонна соискателлэр сиэксийэлэрэ).
- “Мин сахалыы билэбин” саха тылын саҥа үөрэтээччилэрин сиэксийэтэ.
- Төрөөбүт тылы оскуолаҕа үөрэтии уратылара (саха тылын учууталларын сиэксийэлэрэ)
Дакылаат кэмэ-кэрдиитэ:
- Сүрүн мунньах дакылаата – 10-15 мүнүүтэ
- Сиэксийэ дакылаата – 5-10 мүнүүтэ
Кыттыы көрүҥэ: истэн уонна кэтэхтэн.
Кыттааччылар сайаапкаҕытын уонна чинчийиигит тиэсиһин 2021 с. кулун тутар 22 күнүгэр диэри bilimconfer@mail.ru аадырыска ыытаҕыт. Эбии иһитиннэриини https://s-vfu.ru, https://www.s-vfu.ru/universitet/rukovodstvo-i-struktura/instituty/iyikn/ уонна https://www.s-vfu.ru/universitet/rukovodstvo-i-struktura/instituty/iyikn/nirtsss/blilim/ саайтан билиэххитин сөп.
Кэмпириэнсийэ түмүгүнэн ыстатыйа электроннай хомуурунньуга бэчээттэнэрэ былааннанар.
Ыйытыылаах буоллаххытына, bilimconfer@mail.ru сурук ыытыҥ эбэтэр Данилов Игорь Альбертовиһы (89659979472), Собакина Ирина Владимировнаны (89246628908) кытта ситимнэһиэххитин сөп (WhatsApp тиһик үлэлиир).
Поделиться в соц. сетях этой новостью
